2026 жылдың 27 қазанында «Жамбыл аудандық ауруханасы» ШЖҚ КМК Солтүстік Қазақстан облысындағы криминогендік ахуалды сауықтыру жөніндегі Жол картасын іске асыру шеңберінде кәмелетке толмағандар мен жастар арасындағы тәуелді мінез-құлықтың алдын алу мәселелеріне арналған дөңгелек үстел өтті.

Іс-шараға аурухана директорының орынбасары, жалпы тәжірибелік дәрігер, дәрігер-психиатр, психолог, әлеуметтік қызметкер, сондай-қай «И.П. Шухов атындағы ЖББМ» КММ педагог-психологы қатысты.

Кездесу барысында келесі мәселелер талқыланды:

жасөспірімдер арасында психобелсенді заттарды тұтыну белгілерін ерте анықтау;

алкогольдік және тәуелділіктің басқа да түрлерінің алдын алу;

медициналық және психологиялық көмекке уақтылы жүгіну;

медицина қызметкерлерінің, психологиялық қызмет мамандарының және білім беру мекемелерінің өзара іс-қимылы;

ата-аналарды балалардағы эмоционалдық және мінез-құлық қиындықтарының белгілері туралы ақпараттандыру.

Балалар мен жасөспірімдердің әл-ауқаты үшін қауіп факторларын уақтылы анықтау, кәсіби көмектің қолжетімділігі және мамандардың бірлескен жұмысы қажеттілігіне ерекше назар аударылды.

Біздің ортақ міндетіміз — проблемалардың алдын алып қана қоймай, сонымен бірге қауіпті белгілерді уақытында байқау, отбасыларды қолдау және әрбір балаға көмектесу.

Алдын алу шаралары әртүрлі бағыттағы мамандар күш біріктіргенде ғана тиімді болады!

• 
• 
•